點解lee個10月咁長ga?

打從由1號開始要返工,已經知道lee個月冇運行ga la!
餐廳預咗會遲開, 又預咗會有好多人主管o黎.
星期六都要返工.
餐廳開咗之後,都預咗多野做ga la,
但冇諗過真係好煩law!!!
直頭係煩爆呀!!!
跟住就到自己放假考試,
都重係10月,重未完wor!!!
考完試返工重大鑊,
簡直想死,晚晚都做到好夜,
10萬樣野未做,都要覆埋D無謂野,
好無聊好白痴,浪費時間
我頂!!!好似過咗10年咁長!!!
咩都係lee個月發生,係所有唔好既野都係lee個月發生呀!!!
快D到11月啦,生日月,希望會好D啦!!!

我有plan A

考試期間,因為好無聊,所以諗咗plan A.
依家要諗埋plan B, 不過好可能要下次考試先諗到,
因為要係好無聊既情況下,先可以發揮到無聊既諗頭.
如果有埋plan B, 咁我就可以做一個好懶惰既老闆 lu .... hehe!!!

終於都考完試lu

努力咗一星期,今日終於可以同我份3寸既notes講bye bye lu!!!

我要快D做返D正常野先!!!

lee個星期六日,就同阿純去街街先

跟住下星期就去做facial, 按摩,再去整下我D假髮

跟住重有食飯,唱K,去旅行.....

嘩,全部都係洗錢既活動呀!!!

真係氣頂

今日真係好好好好好氣頂呀! ! !

阿純型爆等位

本來開心等位


等到唔耐煩,要兩手插晒袋.

幾時先到我地ga!

上海 vs 香港

上海 V S 香港

都係黑蚊蚊!!!

阿純既近照

好耐都冇同阿純影相lu,


佢依家都好少會企定定比我影,整古做怪就會,正曳B!!!

依然係T M S K

自家制既麵包同埋醬 - 有牛油,秘制XO醬,同埋雜莓醬都係自家制既

鮮鮑百寶袋 - 個包都係自家制既, 重有鮑魚粒,將D餸放入個包度食既
(lee 個係一個special small既portion)

隨緣牡丹沙拉 - 非常新鮮,重好似一朵花咁,唔捨得食

黑松露野菌濃湯 - 面頭個片係好貴既truffle, lee 期都食得幾多
咁開心,梗要開支紅酒啦
和牛配龍蝦炒飯,塊和牛好厚呀!

朱古力Mousse配雲呢拿Gelato, 都係自家制,不過真係太夜趕住走,要走晒D decoration.
紅豆沙cappuccino,其實重有雪杷 ga, 等唔切,食晒lu!

一個好長既笑話

余先生講咗好多個爛笑話之後,佢最後講咗lee個~中港台~既笑話:

北京人話佢風沙多, 蒙古人就笑哈哈!
蒙古人話佢地方大, 新疆人就笑嗑嗑!!
新疆人話佢民族多, 雲南人就笑哈哈!!!
雲南人話佢地勢高, 西藏人就笑嗑嗑!!!!
西藏人話佢文物多, 陝西人就笑哈哈!!!!!
陝西人話佢革命早, 江西人就笑嗑嗑!!!!!!
江西人話佢吃得辣, 四川人就笑哈哈!!!!!!!
四川人話佢靓女多, 山東人就笑嗑嗑!!!!!!!!
山東人話佢經濟好, 上海人就笑哈哈!!!!!!!!!
上海人話佢民工多, 廣東人就笑嗑嗑!!!!!!!!!!
廣東人話佢银两多, 香港人就笑哈哈!!!!!!!!!!!
香港人話佢二奶多, 台灣人就笑嗑嗑!!!!!!!!!!!!

呵呵呵!!! ~the end~

食粟米

我尋晚去咗Sogo後面有一間叫”雪村”食日本野.
我之前都食過佢既set lunch 都 OK ga!!!
尋晚又因為係要試菜既關係,所以叫咗好多款野食.
北海道粟米 – 生食,好多汁好甜,但就冇乜粟米味,不過都幾特別既.
牡丹蝦 – 好大隻,不過就唔夠鮮味,都ok la!
生蠔 -好大隻,好新鮮,我食既時候加咗D海鹽(我見人地加我咪加下law),好鮮味呀!第2啖就加咗D Sake, 好好味.
不過就冇影相lu,係,費事又咁白痴啦,話晒同公司同事一齊ma.
Overall 都good ga, 平均消費 $350左右, 但我地飲咗酒所以要$500幾.

超準星座運程

人馬座 (11/22 - 12/21)
10月10日 的運程預測
整體運程 :
眼見好運擦身而過，此乃無可奈何之事。
每日金句 : 逢凶化吉

財氣運 : 不宜四處亂逛，否則會有傷財的危機。

真係超準呀,今日放工都係安排咗去食飯試菜啫,點諗都唔會有"傷財"既危機既.
點知中途佢地打o黎話會遲D到,叫我地唔好咁早上去.
咁就唯有係sogo行一陣先啦,跟住係prada就見到一個紫色既袋.....
我一見到個袋就即刻諗起"放工後不宜四處亂逛，否則會有傷財的危機".
真係會破財呀,我好鍾意o個隻紫色又好鍾意o個款同個size,十萬個理由要買咗佢呀,
不過真係好貴,我都要諗諗先.
好彩個sale屎話我想要個o個size冇晒紫色.
最後都係"逢凶化吉".

唉!!!但係我依家又好掛住lee個袋wor!!!
我已經冇晒錢la,但係我個shopping list依然好長好長好長好長.............呀!!!

點都行唔完既Elements

差唔多日日都會去Elements, 但點都係行唔晒, 如果要行晒,真係腳都断呀!!!
好多鋪頭都開晒ga la,
H & M - 唔使排隊, 不過唔會去
Versace - 未開,不過唔重要
Mulberry - 快D快D開啦,不過佢外面做晒graphic,睇怕都有排lu

lee 日就去咗買蛋糕la, 四個迫埋一齊.

lee 個就緊係留返比阿純啦.

真係冇緣呀

今日7點幾放工攞野去餐廳比我老細簽名,咁我又可以行下H&M同埋買件蛋糕食下.

點知去到餐廳,佢地係度試緊菜,咁我同事就叫埋我坐低一齊食la.
一路食就一路簽名又一路被人訓話,不過D野就好好味.

lee 個燉湯就真係冇得頂啦.要用烏雞燉10個鐘ga,跟住再放埋個雪梨再燉多個半鐘,

真係好好飲ga!

只不過係$98,真係蝕大本呀!

結果lee餐飯就食到10點,又冇得行H&M同買蛋糕lu!

希望在明天,我日日都要去Elements,終有一日會去到我要去既地方!!!

Lost in Elements

今日係Elements諗住走既時候去"La Creation De Gute"買件餅食下啦,點知盪失路.....
明明第1日我都冇行錯ga, 最衰個concierge,
本來我行岩咗ga ma, 佢又懶好心咁話向右行,
攪到我越行越遠..........兜咗個大圈..........後尾決定放棄唔買餅lu!
跟住我就懷住心深深不憤既心情去搭地鐵.....
跟住我就係IFC既Godiva買咗杯milk chocolate.....
(但唔記得叫佢少冰) 好好飲,但就咳到死死下.....