我好嬲呀!

純純今日特登打電話比我同我講

"姑姑傻傻地"

有冇攪錯wor!特登打黎同我講D咁既野,我好嬲呀!

BB laughing

唔開心既時候就去Youtube睇lee條片啦,包你開心返晒!
http://www.youtube.com/watch?v=5P6UU6m3cqk

今日見到方中信

今日Lunch又係去SOHO,食食下飯,望見方中信企咗係餐廳外面.
嘩!佢好型呀,高高大大黑黑地,型爆呀!
不過我只係偷影佢咋,所以唔係幾靚,不過依然係超型!

lee 張佢好型!
lee 個shot係影佢係上面跑落黎.

怨婦歌星

今晚架勢堂又有千樺啦!

怨婦歌星呀!

今期Cosmo係千樺做封面,佢好靚呀!

唔開心呀

我發現有個朋友佢講大話,等我以為我地好friend,其實我正白痴,原來好多餘!雖然我幫唔到你,但我都冇害過你呀!

都唔明白點解你要咁做!

咁唔知我會係咩情況下會講大話呢?

昱霖&子政&子純

阿純古古惑惑唔知想點!
梗係想整古兩個細佬啦!
起腳啦!
嘩!家姐唔好踢到我呀!
嘩!家姐我隻手唔食得ga!

嘻嘻!好玩呀!

阿純放完暑假lu

阿純返返出黎lu,我放工一返到屋企,阿純佢就叫我"姑姑你返黎啦",攪到我鬼咁開心!

食完飯又"籃"住我同我睇熊貓貓電視,又要我同佢去洗手手洗面面,總之就乜都係"姑姑,姑姑"啦!

跟住又要玩電腦"姑姑,我打機,我打機",又企上個磅話"我試下,我試下".跟住又食我整既jelly!"jelly,好味道,好甜,唔該,姑姑"

總之我今日就"霖"爆啦!

真係架!點解既?

尋晚既森美小儀因為有千fa既關係,所以超超級級勁爆笑.

真係好爆笑架,好鍾意千fa呀!


真係架!點解既?

記得記得剪手甲

我老細開開下會忽然間話,記得返去剪手甲.嘩!我即刻望下自己D手甲,心諗應該比佢地既standard係長咗D既.咁我即刻"哦"咗一聲.開完會,即刻bill返埋位寫低落張post-in度,然後貼係我個化妝袋度,咁實記得啦,今晚唔記得聽朝要化妝既時候都會見到啦,應該好穩陣實記得!
其實聽日又有台灣老細黎香港,除咗剪手甲,着黑色衫之外,枱面重要執到乾乾淨淨.
臨放工之前,我重"懶"醒咁提我同事記得着黑色衫,跟住佢又提返我記得着返對黑鞋.係wor!,真係唔記得咗要着黑鞋tim!Aiya!咁又要再諗過第二套黑色衫laaaaaa!

何必呢

以下係我係Yahoo知識睇到既:

如何增加你既記憶力?
記得咪記得law,唔記得咪由鬼佢law!何必要勉強自己wor!!!

不妨試試以下9種方法：

1.注意力集中 - 記憶時只要聚精會神、排除雜念和外界干擾，大腦皮層就會留下深刻的記憶痕迹而不容易遺忘。
呢D野講心既啫,你有心實記得ga!

2.興趣濃厚-如果對學習材料、知識物件索然無味，即使花再多時間，也難以記住。
咁似講緊我溫書D野既,咁即係唔使再花時間la!

3.理解記憶 - 理解是記憶的基礎，只有理解的東西才能記得牢、記得久。對於重要的學習內容，如能做到理解和背誦相結合，記憶效果會更好。
要做到理解呢樣野,我諗都耍將我D notes send 去TVB 比班編劇度一度個劇本先law!睇電視好過睇notes la!

4.“過度”學習 - 即對學習材料在記住的基礎上，多記幾遍，達到熟記、牢記的程度。
但係.....睇多次,訓多次wor!

5.及時復習 - 遺忘的速度是先快後慢。對剛學過的知識，趁熱打鐵，及時溫習鞏固，是強化記憶痕迹、防止遺忘的有效手段。
同人地既秘密一樣la,要記得就要快D講多幾次比其他人知la!

6.經常回憶 - 學習時，不斷嘗試回憶，可使遺漏得到彌補，使學習內容難點記得更牢。閒暇時經常回憶過去識記的物件，也能避免遺忘。
經常回憶.....記得先得ga wor!

7.視聽結合 - 可以同時利用語言功能和視覺、聽覺器官的功能，來強化記憶。
都話將溫書D野當歌咁唱ga la,咁部MP3就真係唔可以比佢壞la!

8.多種手段 - 根據情況，靈活運用分類記憶、圖表記憶、縮短記憶及編提綱、卡片等記憶方法，均能增強記憶力。
咁快D打D notes 放係個blog度,放上youtube重好,hahaha.....

9.最佳時間 - 一般來說，上午9時~11時，下午3時~4時，晚上7時~10時，爲最佳記憶時間。利用上述時間記憶難記的學習材料，效果較好。
呢D時間唔係返緊工就係訓緊覺,咁即係返工既時候就要溫書???

Ref: http://hk.knowledge.yahoo.com/question/?qid=7007072405015

好玩既星期日

阿純去尖沙咀,同埋D自由行一齊影相!

去"魚一丁"食飯,蒸蛋好好味!
由朝玩到晚,睇埋激光維港匯先返屋企!